Publication : Mairie Prats-de-Carlux Janvier 2025 Responsables : BARREAU Jean-Michel LABROT Nicole Rédaction, Mise en page : MARADÈNE Héloïse Budget & Secrétariat : GAUCI-ESPELT Alexandra & WROBEL Mary-Line Avec la collaboration de l’Équipe Municipale et des Associations Impression : Imprimerie du Sarladais Janvier 2025 Pradinas, Pradins, L'annada 2024 per nòstra comuna es estada marcada per la perseguida e la fin de las òbras d'amainatjament del Borg, amb en ponch d'òrgue, l'inauguracion del 21 de setembre de 2024. La realizacion d'aquel amainatjament a necessitat 6 meses de trabalhs dins de condicions climaticas dificilas. A aqueste prepaus, teni a mercejar las Pradinas e los Pradins, en particular los abitants del Borg per lor paciéncia, lor compreneson e lor sens de las responsabilitats. Lo còst total de las òbras s'auça a 386 000 € HT, dedusidas las subvencions, l'autofinançament per la comuna es de 90 000 € qu'es estat finançat per un emprunt. En mai del Borg, avèm tornat far la faciada de la sala de las fèstas amb lo crespit, la pintura e la realizacion d'un alapens. Las pòrtas e fenèstras de la cantina son estadas cambiadas en doble vitratge. Avèm egalament investit dins la crompa de 15 taulas e 30 bancs de fusta e avèm amainatjat l’engard Deltheil. Pertocant los investiments 2025, dependràn en granda partida de l'eissut del PLUi. Ont ne sèm del PLUi ? Mentre que nos aprestàvem a l'enquèsta publica aquest’ auton, lo projècte es estat presentat a las personas publicas associadas qu'an per la màger part balhat un vejaire desfavorable sus l'ensemble del projècte en ponchant del det totas las parcèlas que desiravan pas veire venir constructibles. Nòstra comuna es estada particularament tocada per aqueles vejaires desfavorables, en particular la zòna del Borg ont aviam desvolopat un projècte que nos pareissiá coerent. La comunautat de comunas a decidit de tornar negociar amb l'administracion per tal de trobar un compromés, aquò es en cors. Vos amagui pas mon inquietud sul desvolopament de nòstra comuna, en l'estat, quò’s nos daissar se morir a pichon fuòc. Nos batrem sens relambi per obténer causa ganhada. Totas aquelas desmarchas van donc retardar la mesa en plaça del PLUi e l'enquèsta publica es estada reportada. Vos informarem de datas d'aquesta, per un mot dins vòstra bóitia de letras, per fin que cadun pòsca venir encontrar lo comissari enquestaire. Pradinas, Pradins, lo Conselh Municipal e ieu mesma, vos presentam nòstres vòts los melhors per 2025, a vos e a totes vòstres pròches. Fòrça vòstre, Traduction : L.L LO MOT DEL MERA
RkJQdWJsaXNoZXIy ODkxNDg=